Pisortamit
Maani Avannaarsuani najugaqarluni avammut attaveqaatit pingaarnerit ilangilersimavaat nittartagaq atorlugu takusassiiniarnissaq. Tassami imaasiallaannaq oqariartorfiginiakkat anguneq ajornartarmata, tassami angallannikkut akillu sumi tamani taama qaffasitsigitillugit nittartagaq uagutsinnut avannaaniittunut pingaaruteqarpoq.
Atuarfik Edvard Kruse 40 sinnilaarlugit sulisoqarpoq. Taakkunannga ilinniartitsisut 38-it sulisuullutik. Ilinniarsimassutsikkut avannaaniinnerput eqqarsaatigalugu qaffasittutut oqaatigisinnaavarput. Tassami ilinniartitsisutut ilinniarsimasut 23-iupput pædagogillu 3-llutik, timelærit social og sundhedimi atuarsimasut GU-mi atuarsimasut allatullu ilinniarsimasut taamatut timelæritut atorpagut.
Atuarfitsinni ukioq kingulleq 2007/08 effektiv pædagogik pikkorissarfigisimallutigu taannalu tamassa siuariartortinnissaa pimoorullugu atuartitsinerit ingerlarsoruttorput, tamatuma saniatigut misilitsitseriutsit nutaat takkuttut tamaasa peqataaffiginiarlugit aallartitsisarluta. Atuarfitsinni inuiaqatigiit assigiinngitsut 5-uvugut tassaasut: Kalaallit - Qallunaat – Norgemioq – tyskeq – Tulullu. Atuartitsinermi allamiut oqaasii eqqarsaatigalugit 8 kl.-imit 10 kl. tyskisut neqeroorutaaneruvoq ukiuni kingullerni.
Atuarfitsinnut atavoq kingutilerivik kiisalu qanga atuarfikuusimasoq Piareersarfittut atorneqartoq anitsiartarfitta ilaaniippoq. Taamaammat meeqqat Inuusuttullu ataatsimukanneq anitsiarsimaartarput, tamatumalu malitsigisaanik ilinniartitsisut Piareersarfimmi aamma sulisinnaasarlutik. Imaappoq ataatsimukanneq assigiipajaartumillu Piareersarfimmiullu ferieplaneqartarpugut.
Paasisaqarnerorusukkussi iserfissat assigiinngitsut neqeroorutigissavakka neriullunga alakkarluartarumaarissi.
Jonathan Petersen
Atuarfiup pisortaa