Uummannaq

Uummannaq

Uummannap ilisarnaatigaa qaqqani uummatitut ilusilik, sumilu tamani taanna nalunnginneqaatingalugu.

Uummannap qaqqaa portussuseqarpoq 1.175 meter.

Atuarfik

anitsiartarfik

Atuarfik Edvard Kruse, siornatigut ateqarpoq Edvard Krusep Atuarfia. Politikerit aalajangiineratigut allanngortinneqarpoq.

Paasissutissat tamat FAQ

 

 

  • Immikkoortortaqarfiit

Ukiumi atuarfiusumi 2003/2004-mi atuarfik immikoortunut  ukununnga  agguarneqarpoq: Minnerit, akulliit annerillu. Immikkoortortat tamarmik pisortaqartinneqarput. 2008-milu immikkut atuartitsinermik immikkoortortaqarfik aqutsisoqalerluni. taakkualu immikkoortortami suliassanut aqutsineq ataqatigiissaarinerlu suliassaraat.

Immikkoortunilu uku aqutsisuupput:

NNG Nuka N. Grønvold nukarliit immikkoortortaanni aqutsisuuvoq.

BQ

 

 

 Buuti Qvist akulliit immikkoortortaanni aqutsisuuvoq.
Rakel

Dorthe Zeeb

angajulliit immikkoortortaanni aqutsisuuvoq
Rakel Elisabeth Nielsen immikkut atuartitsivimmi aqutsisuuvoq.

 

Qummut

 

  • MKI (Qullersaqarfik)

Meeqqanut, -Kultureqarnermullu Ingerlatsivik

Ingerlatsivik ukiumut 50 miliuunit inulaarlugit aningaasartuutissatut missingersuuteqarpoq tamakkulu suliffeqarfinnut nunaqarfinnilu suliffeqarfinnut akisussaaffeqarfinnullu allanut ataani nalunaarsorsimasunut agguataarneqartarput. Ingerlatsiviup akisussaaffeqarfii makkuupput:

  • Kommunimi atuarfiit arfineq pingasut
  • Sunngiffimmi sammisaqartitsineq sunngiffimmi pisortat ilanngullugit
  • Atuakkanik atorniartarfeqarneq
  • Atuartunut angerlarsimaffik
  • Meeqqanik paaqqinnittarfiit
  • Nunaqarfinni angerlarsimaffimminni paarsisartut
  • Tarnip pissusai pillugit siunnersuisarfik, PPA
  • Perorsaaneq pillugu siunnersorti
  • Piareersarfik Piareersarfimmilu ilinniartunut angerlarsimaffiit

Atuarfiit namminerisaminnik pisortaqarput taamaattuunermikkullu immikkoortortanut allanut akisussaassuseqaratik. Ingerlatsivimmi pisortap saniatigut pisortap tullersortaa atorfeqarpoq aamma allaffissornermik ilinniarsimasut marluk atorfeqartinneqarput. Ingerlatsivik kommunip allaffiani inissisimavoq.

Piareersarfik illutaqarpoq atuarfiup eqqannguani B-110-mi.

Tarnip pissusai pillugit siunnersuisarfik Piareersarfiup illutaata atinnguani Illumi Qaqortumi illutaqarpoq tassanilu aamma perorsaaneq pillugu siunnersorti allaffeqarfeqarpoq.

Ingerlatsivimmut ulluinnarni politikkikkut Meeqqanut Kulturimullu ataatsimiititaliaq aqutsisutut qaninnertut inissisimavoq.

Annertunerusunik paasisaqarumasut Ingerlatsivimmi pisortamut Soeren Rasmussen-imut oqarasuaat: 954454 imaluunniit email: sora@uummannaq.gl aamma pisortap tullianut Louise Markussen-imut oqarasuaat: 954459 imaluunniit email: loma@uummannaq.gl-imut saaffiginnissinnaapput.

qummut

  • Elevhjemmi

Nunaqarfiit atuarfiini 1.klassimiit 9.klassimut ilinniartitsisoqartarpoq. Atuartut 10. klassini ilinniaqqikkusuttut illoqarfiup atuarfiani Atuarfik Edvard Kruse-mut atuartariaqartarput. Atuartut tamakkua atuartut angerlarsimaffianni najugaqartarput taannalu Dronning Ingrid-ip meeqqeriviata akianiittumi "illorsuarmi qorsummi" illutaqarpoq.

Qummut

 

  • Elevrådi

Atuarfimmi pissusissamisoortumik atuartunut siunnersoqatigiiffeqarpoq, siunnersuisoqatigiiffimmilu immikkoortortaqarfikkaarluni klassit tamarmik ataatsimik sinniisuutitaqarput. Siunnersuisoqatigiiffik aamma ilinniartitsisunik attaveqaataasumik ikiorteqarput taakkulu sulineq peqataaffigissavaat siunnersuisuullutillu. Qaammammut ataasiarlutik siunnersuisoqatigiiffiit ataatsimiinniarsarisarput.

Ukioq atuarfiusumi 2008/09-imi Makkak Kleemann ilinniartitsisunit attaveqaataavoq.

Qummut

 

  • Anaalerivissiorneq

Pisarneq malillugu atuarfimmi anaaaleriviup ataasinngornerani anaalerivissiortoqartarpoq. Ukiumoortumik anaalerivissiornissamut aaqqissuussisussanik ilinniartitsisunik ataatsimiititaliortoqartarpoq.

Qummut

 

  • Ullut atuanngiffiit

Ukioq manna aappaagulu ullut atuanngiffissat takujumagukkit alakkarumasatit ataaniittut tuuinnakkit.

Atuarfik: Edvard Kruse-p Atuarfia

Kommune: Uummannaq

Ukiumi atuarfiusumi 2008/09 atuanngiffissat

 

Ukiup atuarfiusup takissusia: 365
                    

Ullut atuartitsiviusut amerlassusii: 200

 

Sap.ak. 5-inik ulloqartut: 40

 

 

Sap.ak.6-inik ulloqartut:

Ulloq atualeqqaarfik:

 

Ukiakkut atuanngiffik:

 

Juullimi atuanngiffik:

 

Poorskimi atuanngiffik:

 

Tussiarfissuarmi atuanngiffik:

 

Qilaliarfimmi atuanngiffik:

 

Pinsimi atuanngiffik:

 

Ulloq atuarfik kingulleq:

 

Ukiumi atuarfiusumi tulliuttumi ulloq atuarfissaq siulleq:

 

Jonathan Petersen

Skoleinspektør

 

 

Qummut

 

  • Lejrskoli

Atuarfitsinni lejrskoleqarneq atorneqanngilaq.

Qummut

 

  • Klubbi

Illu sunngiffimmi meeqqanut sammisaqartitsivik Inngerut kommunip meeqqanut 1.-3.klassini atuartut sunngiffimmi paaqqineqarfissaattut neqeroorutigaa. Inngerut aqqusinermi Sanataoriamut-mi "illorsuarmi aappaluttumi" illutaqarpoq. Inngerut ininut sisamanut aggorsimavoq inillu tamarmik immikkut aalajangersimasunik sulisoqartiterput taamaattumillu meeqqat angajoqqaallu sulisunik aalajangersimasunik attaveqarfeqarput. Aamma qaliani inimik angisuumik isersimaartarfeqarpoq kiisalu silataani pinnguartarfeqarluni. Oqarasuaataa 951540-voq.

Qummut

 

  • Qimussimik sukkanniuttarneq

Atuarfimmi ileqquliussaasimasut pitsaasut ilaagaat. Atuarfik ukiut tamaasa, atuartut ilinniartitsisullu peqataaffigisinnaasaannik, qimussimik sukkaniutsitsisarpoq. Ulloq nuannersumik alutornartumillu suliffiusoq.

Assit takukkit.

Qummut

 

  • Ulloq timersornermik ingerlatsivik

Atuarfimmi aasakkut atuanngiffik sioqqullugu ullut kingulliit ilaanni  aputaarutereeraangat silamilu timersorsinnaaleqqikkaangatta, timersorfimmik ulloqartarpoq. Ilinniartitsisut suliassanik aaqqissuussisussanik ingerlatsisussanillu ataatsimiisitaliortarput.

Qummut

 

  • IMAK

IMAK Kalaallit Nunaanni ilinniartitsisut peqatigiiffigaat. Peqatigiiffik Danmarks Lærerforening-imut naapertuuppoq. Peqatigiiffiit taakku marluk suleqatigiilluartorujussuupput.

Isumaqatigiissut imaluunniit piffissaq suliffissaq pillugit apeqqutissaqaraanni atuarfimmi sinniisumut saaffiginnittariaqarpoq taassumalu peqatigiiffik atassuteqarfigisarpaa.

IMAK, Sdr.Hernhulsvej 23, Box 867, 3900 Nuuk Oqarasuaat 322550 fax 325061 quppersagaa: www.imak.gl

Qummut

  • Ulloq aningaasanik katersuiniarfik

Atuarfimmi ukiumut ataasiarluni atuarfiup aningaasaateqarfianut nakkartussanik aningaasanik katersuiniartoqartarpoq. Tamanna arfininngornermi pisarpoq ullorlu taanna atuartut ilinniartitsisullu pinngitsooratik takkuttussaatitaapput. Ulloq nuannersuusarpoq tombolaqartarluni, cafeqartarluni, aalisartuusaarneqartarluni, atuartut namminneq sanaavinik akitsorterussisoqartarpoq allarpassuarnillu qanoq iliuuseqartitsisoqartarluni. Takorluuisinnaaneq kisimi killiliisarpoq! Taamaaaliortarnerup inuttut ataatsimuualaaqatigiinnissamik siunertaqarnerata saniatigut minnerunngitsumik atuarfiup aningaasaateqarfianut nakkartitassanik aningaasanik sinneqartooruteqarluarnissaq siunertarineqartarpoq.

Qummut

 

  • IT-imi AV-imilu atortut

Atuarfik fjernsyneqarpoq videoqarluni kiisalu seqersitsisaateqarluni atuarfiup immikkoortuini tamani atuarfimmilu afdelinngini tamani inissisimasunik taamaalillunilu atortuutit ilinniartitsisunut atugassatut tigoriaannaatinneqarput. Atuarfik aamma digital-imik assiliissuteqarpoq.
Atuarfiup immikkoortua nutaaq multimedienut sullivittaqarpoq 15-nik qarasaasiartalimmik. Taamatuttaaq atuarfik seqersitteqarpoq qarasaasiamut fjernsynimullu attavilerneqarsinnaasumik. Atuarfimmi qarasaasiai tamarmik ataatsimut atttavilerneqassapput. Tamatuma saniatigut atuakkanik atorniartarfimmi qarasaasiaqarpoq, atorniartilluni atorneqarsinnaasunik.
Ilinniartitsisut sullivianni qarasaasiaqarpoq, printereqarlunilu.

Qummut

 

  • Juullilernerani sammisaritinneqartartut

Juullimut qiortaaneq juullimullu naggataarnersiornerit immikkoortortaqarfikkaartumik aaqqissuunneqartarput, taamaattumik ingerlanneqartartarnerat ullormiit ullormut assigiittanngillat. Naalagiartarneq orpiliartarnerlu ileqqunut ingerlanneqartunut ilaapput.

Qummut

  • Pikkorissartarnerit ilinniaqqittarnerillu

Kalaallit Nunaanni atuarfinni sulisunik, Inerisaaviup Ilinniarfissuullu aaqqissugaannik pikkorissartitsisoqartarlunilu ilinniartitseqqittoqartarpoq. Januar qaammat pikkorissarnissamut neqeroorutit nassiussorneqartarput qinnuteqarfissarlu kingulleq tassaagajuppoq februar aallaqqaataa imaluunniit. februarip qiteqqunnera. Ilinniartitsisut timelærillu tamarmik pikkorissarnissamut qinnuteqarsinnaatitaapput. Ukiuni marlunni sulereersimanermi ilinniaqqittarnerni sivisunerusuni peqataasoqarsinnaalersarpoq.
Ukiumut marloriarluni atuarfimmi perorsaaneq pillugu sammisaqarfiusunik ingerlatsisoqartarpoq pisariaqartillugit/kissaatigalugilluunniit eqqartorumasat taamaaliornermi aaqqissuussamik eqqartorneqarlutillu suliarineqartarput.
Ilinniartitsisut qallunaat atorfininnerminniit ukiuni siullerni marlunni sapaatip akunneranut nalunaaquttap akunnerini marlunni kalaallit oqaasiinik pikkorissartinneqartartussaapput.

Qummut

  • Tammaarsimaartarneq

Qulaani taaneqareersutut atuarfitta tammaarsimaartarneq atunngilaa, naak siornatigut atorsimangaluarlugu.

Siornatigut Uummannattaami tammaarsimaartoqartarpoq.

Qummut

  • Luciap ullua

Decemberip 13-iani ileqquusutit Luciartoqartarpoq taamaaliortarpullu atuarfimmi 8.klassit. Luciarnermi atuarfimmi klassit tamarmik aqqusaartorneqartarput. Taamaaliortarneq kaperlaleruttornerani assut qiimmaallaataasarpoq.

Qummut

  • Meeqqat qasuaallisartarnerat

Ukiup atuarfiusup aallartisimalaarnerani nuna tamakkerlugu qasujaallisartitsinermik arpatitsisoqartarpoq arpaffissallu ukiumiit ukiumut allanngorarsinnaapput, apeqqutaalluni pilersaarusiortut qanoq arpaffissaliinersut. Kingullermik assit takukkit.

 

Qummut

  • Praktikkertarnerit

AEK-mi 10.klassit ukiakkut suliffeqarfinni sungiusartillugit sapaatip akunnerini marlunni sulitinneqartarput. Suliffeqarfittut sungiusarfiit illoqarfimmi nunaqarfinniluunniit suliffeqarfiusinnaapput sumilu suliffeqarfinni sungiusartinneqarnissaq 7. - 10. klassinut siunnersortimit aaqqissuunneqartarpoq.

Qummut

  • Perorsaaneq pillugu qitiusumik atorniartarfik

Atuartitsinermi atortussanik Inerisaavik-miit atuakkanik atorniartarfikkoortitsinikkut piniartoqarsinnaavoq tassaniippullu inniminniinermut immersugassat tungujortut. Atortussanik allattorsimaffiit atuakkanik atorniartarfimmiipput aamma taamaattunik ilinniartitsisut inaanni/perorsaanerlu pillugu qitiusumik sullivimmiittoqarpoq.
Perorsaaneq pillugu atortussanik katersugaateqarfik Nuummiippoq piniakkallu tikinniartarnerannut piffissap sivisusarnissaa naatsorsuutigineqartariaqartarpoq.

Qummut

  • Perorsaaneq pillugu siunnersuisoqatigiit

Perorsaaneq pillugu siunnersuisoqatigiit atuarfiup aqutsisuinit ilinniartitsisunillu ilaasortaaffigineqarpoq. Ilaasortat tamarmik ataatsimiinnerni najuuttartussaapput qinigaasinnanerminnullu piumanngissinnaanatik. Ataatsimiinnerit matoqqasumik ingerlanneqartarput atuarfimmili ilinniartitsisunut taartaasartut aalajangersimasumik atorfeqartinneqanngitsut ataatsimiinnerni najuussinnaatitaapput taaseqataasinnaanatilli. Ataatsimiinnerni atuarfiit aqutsisui atuartullu siunnersuisoqatigiivi nalunaarutissaminnik saqqummiussuisarput aammalu perorsaanermut tunngassuteqartut pillugit, isummat ataatsimoorussassat pillugit kiisalu AEK-p ineriartortinneqarneranut qanoq iliuusissat pillugit oqallittoqartarput. Perorsaaneq pillugu siunnersuisoqatigiit  atuarfiup aqutsisuinik perorsaanermut tunngassuteqartunik siunnersuinissaq suliassaasa pingaarnersaraat.
Perorsaaneq pillugu siunnersuisoqatigiit siulittaasuata ataatsimiigiaqqusinissaq suliassanillu aqutsinermi maleruagassarititaasunik uniuinani ingerlatsisoqarnissaa nakkutigisartussaavai. Sapinngisaq naapertorlugu siunnersuisoqatigiit qaammatikkaartumik ataatsimiittarput. Ataatsimiinnerit tamarmik nutserisoqartinneqartarput.

Qummut

  • Ulloq saliiffik

Aasakkut atuanngiffeqarlersinnani ullut kingulliit ilaat saliinermut atorneqartarpoq taamaaliornermi atuartut atuarfiup eqqaani eqqagassanik katersitinneqartarput. Ukioq qaangiukkaangat apullu aakkaangat eqqakkat imaluunniit tingitat saqqummeralersarput. Inuiattut ullorsiornitsinni illoqarfipput eqqiluitsuutikkumallugu atuarfimmi ilungersoqataasarpugut. Saliineq nalunaaquttap akunnerini marlussunni ingerlanneqartarpoq ullullu atuarfiusup sinnera atorneqartarpoq atuakkanik utertitsinermut imaluunniit skamat atorlugit atuartitsinermut.

Qummut

  • Angajulliit ulloq atuarfiat kingulleq

10. klassit atuartunit allanit siulliullutik atuarunnaartarput, misilitsinnissaat pissutaalluni. Ullorlu kingulleq maajip naalernerakkaniuttarpoq. Eqqortoq ferieplanimi takujuk.

Ulloq atuarunnaarfik immikkut ittumik persuarsiutigineqartarpoq, atuartullu mitaarlutik ilinniartitsisutik ullaaralaaq aasarpaat.

Qummut

  • Atuarfiup aningaasaateqarfia

Atuarfik Edvard Kruse-p aningaasaateqarfia immini pigisutut ingerlanneqarpoq atuarfimmilu ilinniartitsisunit pilersinneqarlunilu ingerlassaavoq aningaasaateqarfimmullu taakkua aamma akisussaasuupput. Aningaasaateqarfiup siunertarai pisortat tapiissuteqarsiinnaannginnerini atuartunut ataasiakkaanut atuaqatigiinnulluunniit aningaasanik tapiissuteqartarnikkut ikiorsiiniartassalluni. Aningaasaateqarfimmut tapeeqqusilluni qinnuteqarnermi qinnuteqaat aningaasaateqarfiup siulersuisoqarfianut ingerlatinneqartassaaq. Siulersuisoqarfik 3000,- kr. tikillugu aningaasanik akuersissuteqarsinnaatitaavoq amerlanerusunilli aningaasaliisoqassatillugu Perorsaanermut pillugu siunnersuisoqatigiit akuersiseqqaarneqartussaapput.

Qummut

  • Atuarfiup/atuartullu angerlarsimaffiisa suleqatigiinnerat

Ukiup atuarfiusup ingerlanerani angajoqqaanik marloriarluni ataatsimiititsisoqartartussaasoq tamatumunngalu ilanngullugu klassini tamani ukiup ingerlanerani aamma marloriarluni angajoqqaat/atuartut, taakkua peqatigiitsillugit, oqaloqatigineqartartussaapput. Taamaaliortarnerni angajoqqaanik ataatsimiititsineq siulleq ukiakkut atuanngiffeqalinnginnermi ingerlanneqareertartussaavoq juullimullu atuanngiffeqalersinnani angajoqqaat/atuartut, taakkua peqatigiissillugit siullermeerutaasumik oqaloqatigineqareersimasartussaapput.
Ataatsimiisitsinerni/oqaloqateqarnerni tamakkunani pinngitsooratik klassimi kalaallit oqaasiinik, qallunaat oqaasiinik matematikkimilu ilinniartitsisuusut peqataasartussaapput. Atuartitsissutissani ilinniartitsisut allat klassi pillugu suleqatigiissuteqarunik aamma tamakku peqataasussaatitaapput.

Qummut

  • Seqinniartarneq

Februarip sisamaani Uummannamut seqineq alakkaqqittarpoq qaammatit pingasungajaat kaperlareerluni. Ulloq taanna seqinniarnermik nalliussineqartarpoq. Ilinniartitsisut ullup ingerlanneqarnissaanik piareersaateqartussanik ataatsimiititaliortarput.

Qummut

  • Napparsimaneq

Ilinniartitsisoq napparsimalersimaguni ullaakkut oqarasuaatikkut nalunaaruteqartussaatitaavoq nalunaarnissamullu piffissaliussat sianerfissarlu ilinniartitsisut inaanni allagarsiunneqarsimasarput. Taamatuttaaq ullaaq taanna suliartorsinnaaffik napparsimajunnaarsimaneq oqarasuaatikkut kalerriunneqartussaavoq.

Atuartoq napparsimasimappat angajoqqaajusut/meeqqamut tigumminnittuusut atuartup napparsimajunnaarnerani taassuma kalerriisarnermut atuagaaraani allattuiffiusartumut allagaqarnikkut nalunaarutiginnittussaatitaapput. Taamaaliortarnerni pinngitsoorniarneqarput meeqqat akuerineqaratik atuanngitsoortarsinnaaneri immaqalu nakkutigineqaratik atuarfissaraluami nalaani piumasaarsorsinnaanerat.

Qummut

  • Misilitsittuusaarnerit

10. klassimi atuartut misilitsittuusaartarput, tassa misilitsivinnerup assinganik misiliillutik. Tamannalu pikkajuppoq ortuuparimi.

Misilitsittuusaarnerup saniatigut ukiup ingerlanerani projekteqartoqartarpoq, taannalu misilitsinnermut allagartami ilanngunneqartarpoq. Taanna ukiup ingerlaneranut arlalinngorlugu agguataarneqartarpoq, ukiamilu aallartinneqartarluni.

Qummut

  • Atuarfimmi ataatsimiisitaliat

Perorsaaneq pillugu siunnersuisoqatigiinni aammalu ilinniartitsineq pillugu suleqatigiiaani peqataasarnissap avataatigut ilinniartitsisut tamarmik minnerpaamik ataatsimiititaliani marlunni ukunani suleqataasussaatitaapput. Atuartitsinermi atorfigalugu siunnersortit atuartitsissutissaq siunnersortaaffitsik pillugu ataatsimiititaliami ilaasortaasussaatitaallutillu siulittaasussaatitaapput. Ataatsimiititaliat amerlanerpaamik tallimanik ilaasortaqartartussaapput.

Atuartitsissutissani makkunani ataatsimiititaliaqarpoq:
Kalaallit oqaasiini, qallunaat oqaasiini, tuluit oqaasiini, matematikkimi, uumasulerinermi/nunalerutini/oqaluttuarisaanermi, inuiaqatigiilerinermi, fysik/kemimi, assassornermi, iggavimmi suliassani, mersornermi timersornermilu.

Tamakkua saniatigut makkua pillugit ataatsimiititaliaqarpoq ilinniartitsisullu minnerpaamik ataatsimiititaliat taakkua akornanni ataatsimi ilaasortaasussaatitaavoq:
Ineriartortitsinermut ataatsimiititaliaq, aalajangersimasunik anguniagaqarnermi ataatsimiititaliaq, katersiniartarnermut ataatsimiititaliaq, seqinniarnermut ataatsimiititaliaq, juullerpalaartitsinermut ataatsimiititaliaq, qasunaallisartarneq/ullorlu timersorfiusussaq pillugit ataatsimiititaliaq, sisorarfissiornissamut ataatsimiititaliaq.

Tamakkununnga ilanngullugit aamma perorsaaneq pillugu siunnersuisoqatigiit ataatsimiinnerini nutserisussaqartariaqartarpoq tamanna nammineq piumassutsimik ingerlanneqartarpoq matumuunalu marlunnik oqaasilinnut taamaalillugu saaffiginnissutaalluni. Taamaaliortarnerni maleruaqqusaasut malillugit akissarsisitsisoqartarpoq.

Qummut

  • Atuartitsinermi atortussat

Atuarfimmi assigiinngisitaarluartunik amerlassutsimikkullu naammaginartunik atuakkanik toqqorsiveqarpoq tassaniippullu atuakkat klassinut atukkiuttakkat, atuagaasivimmiussat, ataasiartarissat tamakkununngalu tunngassuteqartunik AV-kut atortussiaqarpoq. Atuartitsissutissani amerlanerni qallunaatuunik kalaallisuunillu atortussiaqarpoq. Atuakkat iluarsartuussat assersuutigalugu matematikkimi atuakkat qallunaatut kalaallisullu naqitigaapput. Tamakkununnga ilanngullugit assilineqarsinnaasunik atuartitsinermi atugassanut tapertassanik ilioraavinnut katersiviusunut katersarpassuaqarpoq.

Tamakkununnga ilanngullugit soorunami atuarfik aamma atuagaanngitsunik ilinniartitsinermi atortussaaterpassuaqarpoq, soorlu pinnguaatit, nivinngartakkat, qarasaasianut programmit, videot/kassettit, atuartitsissutissani atortussiat il.il..
Atuarfik uumasulerinermi atugassanik kivikkanik uumasuuteqarpoq, niaquuteqarluni allanillu peqarluni.

Atuartitsissutissani mernguernartuni aamma atortussarpassuaqarpoq ataasiartakkanik, atortussianik nipilersuutinillu. Iggavimmi sammisassat atortussaat soorunami ukiup qanoq ilinerani atortussarsiarineqarsinnaasartunut naapertuuttuusarput.

Puigorneqassanngilllat avatangiisigut qanitatsinniittut taakkunannga pingaarnerullu pinngortitaq immikkukajaaq ittoq atortorineqarsinnaasunillu amerlalluinnartunik nammineq peqartoq tamakkualumi atuartitsinermi taputartuunneqarsinnaalluartarput.

Qummut

  • Ukiup atuarfiusup pilersaarusiorneqartarnera

Ilinniartitsisut tamarmik klassini atuartitsivissaminni atuartitsinermik ingerlatsinissaminnut siumoortumik ukiup affakkaartumik pilersaarusiortussaatitaapput. Ukiup affaanut pilersaarusiat tamakku angajoqqaanik ataatsimiititsinerni saqqummiunneqartartussaapput taamaaliortarnernilu angajoqqaajusut ilinniartitsinermi anguniagaasunik imarisaasunillu ilisimasaqalersinniarneqartassapput.

Qummut

  • Ulloq atualeqqaarfik

Uummannami 1. klassini ulloq atualeqqaarfik nuannaarfiuvoq pinngitsooranilu kaffillerfiusarluni. 
2.-10. klassit nalunaaqutaq 9.00 atuariartortarput skemassaminnillu agguaavigineqartarlutik. Nalunaaqutaq 11.00 atualeqqaartussat tulliutissapput. 1. klassit oqalugiaammik erinarsuummillu tikilluaqquneqartarput taamaalioreernermilu ataasiakkaarlutik klassitaassaminnut aggeqquneqartarput klassimilu ilinniartitsisup tikilluaqqusarpai.